الرجـــاء من اهل الخبرة الرد على تسأولاتي ..

السلام عليكم ورحمـــه الله وبركاته


عندي استفسارات بالنسبه للقدرات اتمنى الاجابه عليها وجزاكم الله كل خير

هل درجات القدرات غير عن درجات التحصيلي وكيف حسابهم ؟

وهل هناك كليات تطلب اختبار القدرات فقط ام التبس علي الموضوع ؟

و السؤال الثاني هل اختبار البنات يختلف عن اختبار الشباب واختبار العلمي عن الادبي ؟

ان شفت كذا اختبار بالمنتدى مكتوب لعام 1430 متى اختبروة بالظبط لان هناك اختبار في شهر 7 القادم

وتتوقعون ان الاسئله تجيي دايم متشابهه بصراحه انا اختباري 14\7 يعني بوجهه المدفع فمادري ااخره عشان الحق على الاسئله ا
اللي جت قبلي ولا اتتوكل واختبر
وهل في احد منكم ذاكر الاسئله اللي في النت وجت في الاختبار منها ؟ لاني بصراحه مرات اهون اقول ليش اتعب نفسي وموجاي
منها شي



اتمنى من اهل الخبرة الاجابة على استفساراتي وبالتوفيق لهم

عليكم السلام ..

بالنسبة للقدرات والتحصيلي فهم يختلفون عن بعض ..

التحصيلي يعتمد على دراستك بالثانوية ..

والقدرات على قدراتك العامة ..


والكليات غالباً ما تطلب الاثنين مع بعض..

وبالنسبة لكيفية حساب الدرجة ..

للأقسام الصحية: 30% للثانوية 40% للتحصيلي 30% للقدرات

لباقي الأقسام: 60% للثانوية 20% قدرات 20% تحصيلي


واختبار التحصيلي العلمي أكيد يختلف عن الأدبي

وطبعاً ما يضرك لو اطلعت على الأسئلة اللي بالنت رح تفيدك كثير بمعرفة اسلوب الأسئلة ..

السلام عليكم


انا بصراحه نفس السالفه اختباري في 15/7

ولا ادري وش اذاكر فياليت تلاقون لنا حل انا والاخت ريمــا


احس الموضوع مره معقد ولا ني فاهمه شئ :(

ننتظر افادتكم ,,,

يؤؤ يؤؤؤؤ ,

ترى والله سجلت وانا ما كنت ادري انو فيه احد نفس الاسم :(

المهم انا نفس الحاله 14-7 اختباري ,

وكل ما كلمت احد قالي عن اسم كتاب ولا قالي اعتمدي ع عقلك =(


والله متشتته حييييل :/

يعني ابي شي ابي رآيكم وش الي اسويه واحس اني كفيت ووفيت وادخل الاختبار وانا مرتاحه :(

ابي فزعتكم تكفون :(

بالنسبة للقدرات أحسن كتاب رام 1 وكتاب (الطالب التدريبي تبع المركز نفسه)

ولو لقيتي الأمين فأحسن وأحسن .. لكني ما خصلته بالرياض بقولون موجود بس بجده..

أما للتحصيلي فـ رام2 وقبول 2

وفيه بعض مذكرة رائز هذي بالمرة رهيبة بس صعبة تلقينها..

وبالتوفيق..

دعواتكم..

سوري ..

قصدي كتاب قبول 3 للأدبي..

وبعدين روقوا أعصابكم ..

واحمدوا ربكم اختباركم آخر الناس ..

ترا العلمي اختبارهم بعد بكرا ..

والعيال بدت اختباراتهم الخميس اللي راح..

فيمديكم تلحقون وتذاكرون..

ترا أكثر شي يخرب على البنت أعصابك..

هونيها وتهون ..

وادعي ربك إن الله يسهللك..




وبعدل شي بردي أول شيء..

لباقي الأقسام: 60% للثانوية 20% قدرات 20% تحصيلي

70% للثانوي و 15% قدرات و15% تحصيلي ..

موفقين ..

دعواتكم

السلام عليكم


انا راح ادخل الاختبار يوم الخميس ادعولي اجيب فوق 85 تكفوووووووووووون والله شايله همها ويقولون رام 1 ورام 2 مره حلو للاقسام العلميه ورام 1 اظن ادبي وعلمي والله كل اللي يذاكر ذي الكتب يجبون فوق 80 ادعولي بالتوفيق اشتريتها من جرير


ادعولي بالتوفيق